Олександр Маслей ■ ЛЕМКІВСКА СТОРІНКА ■ 2011-01-19
{mosimage}
В Музею ремесла в Коросні, в коморах пивниц “Під Тінями” 27 грудня 2010 р. відбывся концерт лемківскых коляд: “Не лем а капела” у виконані Юлії Дошни і Катерини Палусіньской (віола).
Юлія Дошна так споминат: “Коляды товаришили мі одкаль пам’ятам, од дитинства. І як дитина полюбывам іх найбарже зо вшиткых співаных пісень.
З перспективы років не мож повісти, чи барже чекавам на свята Рождества Христового, на кольорову ялинку, прибрану ябками, орихами, цукерками і свічками, жебы в кінци наїсти ся до сыта, чи лем для того, жебым могла висьпівати Ісусикови мою радіст”.
Концерт зобрав надкомплет публикы. А святочну атмосферу підкресляли експонаты з Лемківского музею пана Теодора Ґоча з Зиндрановы, яка іщи перез січень буде презентувана в Музею ремесла в Коросні.
“Наше слово” №4, 23 cічня 2011 року {moscomment}
