Адам ВєвюркаЛЕМКІВСКА СТОРІНКА2010-05-27

{mosimage}

Музика, сьпів то були лемківскі двері до небесной хижи. З пісньом в серци медже горами лемко глядав радости, штоб будити надію на ліпши дни. Він брав гусьлі і сьпівом будив гори, а Господь, почувши правду в піснях, дарував Лемкам добро. Але гусьлі в 47 р. перестали грати…

Хоц розшмарени на Заході, хочеме чути тоти вкрадени гусьлі. Хай будят минуле, але і творят пісьню, штоб і заран жив лемківскій світ. Хоц поділени, твориме єдно, колі в нас є рідна пісня, молитва та віра, што Бог не на дармо дарував нам лемківску душу.

З віром том ОЛ в Рашівці недалеко Лігниці (15 мая) організувало танцювальну забаву під закликом “ЛЕМ РАЗОМ”. Ми повни надії, што єдніст лемкам не чужа, а ті, які не хочут єдности, ведут лемківскій світ до смерти. 15 мая в Рашівці ансамбль ВОДОГРАЙ своїм сьпівом хотів будити до життя і танця молоди лемківскі серця, в яких немає дотику асиміляції, ані страху перед Україном, а є повна єдність – ЛЕМ РАЗОМ.
На забаві в Рашівці були різни атракції – можна було виграти новий самохід, а на столах загостило лемківске мастило, яке пригадало молодим лемкам нашу гірску кухню. В дусі єдности та взаємної пошани ми переказали дохід з вальчика чеколядового для Ірени Михаляк з дому Мацєєвской (члена СЛ), яка є в потребі.
Хочу подякувати отцям – о. Богданові Огороднику, о. Любомирові Воргачу, о. Богданові Гарасиму та о. Андрієві Бундзилу, які своїм словом запрошували на нашу забаву. Дякуєме, што Ваше священиче покликання достерігає, што від віків світ лемків був при церкві. Хочу подякувати членам ОЛ з Лігниці, які допомагали при організуванні забави: Петрові та Маргареті Ціхоням, Романові Гойнякові, Стефанові Драгану, Богданові Вєвюрці. Хай голос “Лем разом” буде знаком нашой відповідальности за Лемківщину. Колі внеска єй не вшануємо, заран може бути за пізно. Лем разом, а спільно почуєме голос вкрадених
в 47 р. гусьлі, котрий в повні пробудит в нас вшитких красу Лемківщини.

“Наше слово” №22, 30 травня 2010 року {moscomment}

Поділитися:

Категорії : Лемки

Залишити відповідь

Ваша e-mail адреса не оприлюднюватиметься. Обов’язкові поля позначені *

*
*