Наше слово
1 Вересня 2012
Олександр Маслей ■ ЛЕМКІВСКА СТОРІНКА ■ 2012-09-01
{mosimage}
Кінцем липня від пятьох років в церквах Горлицкого повіту і в Криниці одбиват ся Фестиваль духовной музики у Бескиді Нискому. Ініціатором того заходу є Староство повітове в Горлицях і церкви обох обрядів – з боку Греко-католицкой церкви о. Григорій Назар і Православной церкви о. Роман Дубец, а також Музей “Двір Карваціанів”. Головним реалізатором і організатором фестивалю є Петро Морох, працівник Староства повітового в Горлицях, представник старости в справах національних меншин.
Фестиваль набирає міжнародного характеру, берут в нім участ хори з Чехії, Польщи, України, Румунії і Словаччини. Але якоси тот фестиваль не може ширше заіснувати, проходит при невеличкі кілкости глядачів. А хори, яки берут в ним участь, співают на світовому рівні. Закінчиня фестивалю што року проходит раз в церкві греко-католицкі, а раз в православні.
В тому році фестиваль мав закінчиня в церкві православні Святой Тройці в Горлицях. На врочисти концерт прибули єпископ-помічник кир Паїсій, консуль генеральний України Віталій Максименко, староста Горлицкого повіту Мірослав Вендрихович, бурґомістр Горлиц Вітольд Кохан. Фінальни концерт співав знаменитий Хор митрополитальний Православной церкви Чехії і Словаччини.
Якраз у тот ден кир Паїсій обходив свій празник, і ця подія здомінувала закінчиня фестивалю: було багато зворушливих “Многая літа”.
Знавцям духовной музики даю до відома, што на цей фестиваль варто ся вибрати.
“Наше слово” №36, 2 вересня 2012 року {moscomment}
Поділитися: